У Полацку адкрылася выстава, прысвечаная Васілю Быкаву

5 лютага ў Полацкім цэнтры рамёстваў і нацыянальных культур адкрылася выстава «Доўгая дарога дадому…». У экспазіцыі – працы, створаныя падчас пленэру, які адбыўся ў мінулым годзе на радзіме Васіля Быкава ў вёсцы Бычкі на Ушаччыне.

«Выстава створана па выніках пленэра, прысвечанага памяці Васіля Быкава, – паведаміла “Хіміку” сябра Беларускага саюза мастакоў Кацярына Мяснікова. – Як была заведзена кожныя два гады культурна-асветніцкі цэнтр імя Язэпа Драздовіча ладзіць Быкаўскія пленэры на радзіме пісьменніка – у Бычках. Гэтыя пленэры значныя тым, што даюць магчымасць пражыць некалькі дзён у вёсцы, жыхары якой дагэтуль захоўваюць памяць пра свайго знакамітага сваяка. На пленэр з’язджаюцца мастакі з усёй краіны, як мэтры, так і моладзь і заўсёды прысутнічае перайманне вопыту – калі мастакі вучацца адзін у аднаго, моладзь – у мастакоў старэйшага пакалення і наадварот. Ну і, зразумела, тое, што з’яўлялася асяроддзем Васіля Быкава: возера Горнае, сядзіба ў Арэхаўна, Вушачскі касцёл і старыя хацінкі ў Бычках, – можна заўважыць на палотнах мастакоў на выставе. Акцэнтам экспазіцыі сталі творы заўчасна зышэдшага мастака-палачаніна Анатолія Ізаіткі, ягоны трыпціх па творах Васіля Быкава “Сотнікаў”, “Знак Бяды” і “Альпійская баллада” – моцны фінальны акорд творчасці мастака».

image (2)

   image (3)

image (4)

  image (5)

Ініцыятарамі пленэру выступілі Віцебская абласная арганізацыя Беларускага саюза мастакоў і энтузіяст беларускай культуры, заснавальніца Музея мастацтва і этнаграфіі імя Язэпа Драздовіча Ада Райчонак.

ximik.info
Новости Полоцк Новости региона Новополоцк
Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
Я рекомендую
Пока никто не рекомендует

Комментарии

Комментарии предназначены для общения, обсуждения и выяснения интересующих вопросов

Ничего не найдено.